Ал тұрғын үй мәселесін шешу үшін 5-10-20 атты жаңа бағдарлама іске қосылады. Бұл жайында мемлекет басшысы мәлімдеді. Осылайша халық 5 пайызбен, алдын ала 10 пайыздық төлем жасап, 20 жылға дейін мерзімге баспана ала алады. Ол үшін бюджеттен 390 млрд теңге қаржы бөлінеді. Президент Үкіметке аталмыш жобаға қатысты нақты шараларды 1-шілдеге дейін жасауды тапсырды. Ал түстен кейін жауапты министрдің бірінші орынбасары Қасым-Жомарт Тоқаевтың мәлімдемесіне қатысты түсініктеме берді.