Зейнетақы жинағын уақытынан бұрын алу инфляцияның күрт шарықтауына әкеп соғады. Халық банкінің басқарма төрағасы Үміт Шаяхметова Президенттің пәрменін популизм деп атады. Оның айтуынша, бұл идеяны ұсынғандар халықтың шынайы жағдайын ескермеген. Себебі, қордағы жинақ мөлшері қарапайым тұрғындарға қол жетімсіз. Салдарынан, мемлекеттік көмекке мұқтаж жандар емес, қалталы азаматтар ие болуы мүмкін. Ал олардың қомақты соманы қайта инвестицияға салуы екі талай. Банк төрағасының пікірінше, бұл мемлекет үшін тиімсіз және экономиканың дамуына кері әсерін тигізеді.