Коронавирустан қорғануға бөлінетін қаржы 3,5 млрд теңгеге жеткізіледі. Бүгін мәжіліс қабырғасында Қаржы министрі Әлихан Смайылов осылай деп, қауіпті дерттен сақтануды күшейтетіндігін мәлімдеді. Бұған дейін 30-ші қаңтарда Үкімет жанындағы ведомствоаралық комиссияның жетекшісі, вице-премьер Бердібек Сапарбаев қорғану шараларына 1,5 млрд теңге бөлінетінін айтқан еді. Енді, міне, Үкімет резервінен тағы қосымша 2 млрд теңге бөлінбек. Берілген қаржыға Денсаулық сақтау министрлігі бүкіл ауруханалар қорын қажетті құрал-жабықтармен қамтамасыз етіп қоюы тиіс.
