Елордада тісін емдеткеннен кейін, комаға түскен баланың жағдайы әлі де ауыр. Бұл туралы тауарлар мен қызметтер қауіпсіздігі және сапасын бақылау комитетінің төрайымы Людмила Бюрабекова айтты. Қазір «Доктор БРО» клиникасына жүргізілген тексеріс нәтижесі Полиция департаментіне жіберілген. Ары қарайғы мәселені құқық қорғау органдары шешеді. Ал Алматы облысында желшешектен қайтыс болған үш жасар баланың ісіне қатысты сотқа дейінгі тергеу басталды. Көз жұмған бүлдіршіннің әкесі дәрігерлерді кінәлап отыр.