Жыл басынан бері елімізде жекешелендіру аясында 33 млрд теңгеге 31 нысан сатылды. Жыл соңына дейін тағы 36 нысан саудаға шығарылады. Есепті кезеңде 62 нысан аукционға қойылды. Мұны Премьер-Министрдің бірінші орынбасары - Қаржы министрі Әлихан Смайылов айтты. Оның сөзінше, Бүгінгі таңда жекешелендірудің кешенді жоспары 91% -ға орындалды. Сонымен қатар, 19 нысанды қайта құру және тарату туралы шешім қабылданды. «Біз 2020 жылдың соңына дейін 100%-ға жекешелендіруді орындауды жоспарлап отырмыз», - деді ол.
