Енді елдегі ірі кәсіпорын басшыларының жұмысы өндірістік жарақат деңгейі бойынша бағаланады. Премьер-Министр Олжас Бектенов еңбек қауіпсіздігіне қатысты KPI енгізуді тапсырып, оның орындалуы басшылардың жалақысы мен қызметте қалуына тікелей әсер етуі керектігін айтты. Салаға жасанды интеллектіні араластырып, ақылды алгоритмдерге нысандардың қауіпсіздігін сеніп тапсыру керек деген де ой айтты.
