Талдықорған, Орал, Өскемен, Ақтау және Шымкент қалаларының 5 медициналық орталығын жарақтандыруды «Samruk-Kazyna Trust» әлеуметтік жобаларды дамыту қоры қаржыландырды, қалған қаражатты «Өмір сыйлайық» бірлескен жобасы аясында AYALA қайырымдылық қоры жинады.
Қарағанды қаласының Облыстық ауруханасында бірлескен пилоттық жобаны сәтті жүзеге асырғаннан кейін «Samruk Kazyna Trust» әлеуметтік жобаларды дамыту қоры еліміздің перинаталдық орталықтарының автоматты гипотермия мен амплитудалық электр энцефалогиясы аппараттарымен қамтамасыз ету жөніндегі бастаманы жалғастыруды қолдады.
Медициналық орталықтар бірнеше параметрлер бойынша таңдалды: босану кезінде асфиксия кезінде механикалық (салқын су немесе мұз салынған пакеттер немесе медициналық қолғаптар) гипотермияны қолдану жағдайларының саны және автоматты гипотермия аппараттарының болмауы. Бұл үшін AYALA қоры 2021 жыл бойы барлық облыстық Денсаулық сақтау басқармаларымен жұмыс істеп, жобаны қорғау үшін қажетті ақпаратты ресми түрде жинады. Нәтижесінде 22 перинаталдық орталықтың тізімі жасалды. Механикалық гипотермияны ең көп қолданатын алғашқы жетеуі 2022 жылдың 3 тоқсанында жабдықтарды алады.
«Өздеріңіз білетіндей, 2021 жылы Қарағанды перинаталдық орталығы заманауи құрал-жабдықтармен жабдықталды және бір жыл ішінде 11 жаңа туған баланың өмірі мен денсаулығы құтқарылды. Біз мұны тамаша нәтиже деп есептейміз, өйткені баланың құтқарылған әрбір өмірі еліміздің болашағы үшін өте маңызды. Биылғы жылы біз 5 аймақ үшін құрал-жабдықтар сатып алуға қаржылай қолдау көрсеттік, онда нәрестелер өлім-жітімінің деңгейі мен балалар реанимациясын алдыңғы қатарлы медициналық техникамен қамтамасыз ету мәселесі өткір тұр. Қазіргі заманғы аппараттар осы медициналық орталықтардың дәрігерлеріне балалардың одан да көп өмірін құтқаруға көмектеседі деп үміттенеміз. Жалпы, өткен жылы біз 7 млрд. теңгеден астам сомаға 32 ауқымды әлеуметтік жобаны жүзеге асырдық және жарты миллионнан астам адамға көмек көрсеттік», - дейді «Samruk-Kazyna Trust» әлеуметтік жобаларды дамыту қорының бас директоры Альфия Адиева.
AYALA қайырымдылық қоры Қазақстанда бала өлімі мен мүгедектігін азайтуда мемлекетке көмек көрсету мақсатымен 15 жылдан бері жұмыс істеп келеді. Бұл үшін қаражат жинау және демеушілерді тарту арқылы AYALA балалар реанимациясын заманауи медициналық жабдықтармен қамтамасыз етеді және қазақстандық неонатолог дәрігерлердің біліктілігін арттыруға көмектеседі.
2017 жылы AYALA Қазақстанда алғаш рет автоматты гипотермияны сынақтан өткізді. Гипотермия аппараты орта және жоғары ауырлықтағы асфиксиямен туған жаңа туған нәрестелердің өмірі мен ақыл-парасатын сақтап қалуға көмектеседі. Босанудағы асфиксия ең алдымен баланың бас миының жасушалары зақымданатын оттегінің жетіспеушілігінен қорқынышты. Ал бұл мүгедектік қаупінің жоғары болуына әкеледі. Автоматты гипотермия баланың денесін біртіндеп салқындатуға, одан кейін оның ағзасындағы алмасу процестерін қалыпқа келтіруге көмектеседі. Туғаннан кейінгі бірінші сағатта гипотермияны қолдану орталық жүйке жүйесін қайтымсыз зақымданудан құтқаруға қабілетті, бұл өте қиын жағдайларда жаңа туған нәрестелердің өліміне әкеп соғады.
«Біз алғаш рет автоматты гипотермия аппараттары туралы профессор Арунас Любшистен білдік, ол біздің қордың шақыруымен қазақстандық неонатолог дәрігерлерді жаңа туған балаларға күтім жасаудың жаңа тәжірибелеріне үйреткен. Еуропалық одақ елдерінде бұл аппараттар механикалық гипотермияның орнына әлдеқашан келді. 5 жыл ішінде біз Қазақстанның перинаталдық орталықтарында 7 аппараттық кешен орнаттық. Осының арқасында 205 жаңа туған нәрестенің өмірі құтқарылды. Бірақ бұл балалардың ми функцияларын сақтап қалуы да маңызды. Бұл дегеніңіз олар өсіп, дамып, оқып, функционалды түрде сау бола алады деген сөз. Біз Бас серіктесіміз - "Samruk Kazyna Trust" қорына жобамызға қолдау көрсеткені үшін және еліміздің болашақ ұрпақтарының зияткерлік әлеуетін сақтауға қосқан орасан зор үлесі үшін шексіз алғысымызды білдіреміз», - деп атап өтті AYALA ҚҚ президенті Айдан Сүлейменова.
Гипотермия кешеніне автоматты гипотермия аппаратының өзі және амплитудалық электроэнцефалография мониторы кіреді. Олар бірге дәрігерлерге жаңа туған нәрестелерді құтқару және емдеу үшін қолданылатын терапияны бақылауға және тиімді түзетуге мүмкіндік береді. Бұдан басқа, жабдықтарды орнатқаннан кейін қор дәрігерлерді практикада жаңа аппараттарды дұрыс қолдану бойынша оқытады. AYALA ҚҚ бағалауынша бірнеше жыл бойы мұндай тәсіл жүздеген баланың өмірін сақтап қалуға мүмкіндік береді.
«Өмір сыйлайық» жобасы мен басқа да бастамалар аясындағы 15 жыл ішінде AYALA қоры қазақстандық 67 денсаулық сақтау мекемесіне 2,2 миллиард теңге сомасына 1100-ден астам реанимациялық медициналық құрал-жабдықтарды тапсырды. Қазақстанда дәрігерлер тегін курстарда біліктілігін арттыру кезінде алған осы жабдықтар мен білімдердің арқасында 200 мыңнан астам бала құтқарылды.
