/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 432,23 Brent 36,55
1-11 сынып оқушылары қашықтан оқитын болды

1-11 сынып оқушылары қашықтан оқитын болды

Мектептерде кезекші сыныптар ашылуы мүмкін. 

14 Шілде 2020 11:00 245

1-11 сынып оқушылары қашықтан оқитын болды

Үкімет отырысында білім және ғылым министрі Асхат Аймағамбетов мұндай шешім оқушылар мен мұғалімдердің өмірі мен денсаулығына қауіп төндірмеу үшін қабылданғанын жариялады. 

«Шалғайда орналасқан шағын жинақты мектептерді қоспағанда 1 қыркүйектен бастап еліміздің барлық мектебіндегі 1-11 сынып оқушылары үшін оқу жылының алғашқы тоқсанын қашықтан оқыту форматында өткізуді ұсынамын», – деді министр. 

Үкімет басшысы Асқар Маминнің тапсырмасына сәйкес, денсаулық сақтау, білім және ғылым, цифрлық даму, инновациялар және аэроғарыш өнеркәсібі министрліктері 1 қыркүйектен бастап орта мектептердің бірінші тоқсанды қашықтан оқыту форматында өткізуге дайын болуын қамтамасыз етуге тиіс. 

«Қажет болған жағдайда бастауыш сынып оқушылары ата-аналарының жазбаша өтініші бойынша санитарлық-эпидемиологиялық талаптарды қатаң сақтай отырып, кезекші сыныптардың қызметін қамтамасыз етуді тапсырамын», – деді премьер-министр.

Қанат Махамбет
 

Қашықтан оқу жалғаса береді – Қасым-Жомарт Тоқаев

«Карантин режимін жеңілдету – үйреншікті өмірге қайта оралу емес».

27 Сәуір 2020 12:37 281

Қашықтан оқу жалғаса береді – Қасым-Жомарт Тоқаев

Ел Президенті кезекті мәлімдемесінде карантиндік шектеулер біртіндеп алынғанымен, ондай жеңілдіктердің әзірге халық көп жиналатын орындарға қатысы жоқ екенін айтты.

«Карантин режимін біртіндеп жеңілдету дегеніміз өзіміз үйренген күнделікті тіршілікке қайта оралу емес екенін ұғынғанымыз жөн. Ойын-сауық және сауда орталықтары, кинотеатрлар, ресторандар, саябақтар мен адам көп жиналатын басқа да орындар әзірге жабық болады. Жоғары оқу орындары, колледждер, мектептер қашықтан оқытуды жалғастыра береді», – деген мемлекет басшысы қазақстандықтарды жағдайға түсіністікпен қарауға шақыды. 

«Күннің жылынуы мен карантиннен шаршағандық жауапсыздыққа себеп болмауға тиіс. Карантин режимі бұзылса, коронавирусқа шалдыққандардың саны күрт көбейіп кетуі мүмкін. Әсіресе, созылмалы ауруы бар және егде адамдар ерекше сақ болуы керек. Тіпті, кішкентай балалар да ауру жұқтыруы мүмкін екенін байқадық. Сондықтан олардың денсаулығына бей-жай қарауға болмайды», – деді Президент.

Есжан Ботақара

Шолпан Қаринова оқушылар онлайн оқыған аптаны қорытындылады

Биыл 9-11 сынып оқушыларына қорытынды аттестаттау болмайды.

11 Сәуір 2020 22:36 307

Шолпан Қаринова оқушылар онлайн оқыған аптаны қорытындылады

Білім және ғылым вице-министрі Шолпан Қаринова қашықтан оқыту кезінде оқушыға үй тапсырмасын берудің әдістемелік құралы бекітілгенін мәлім еткенін inform.kz хабарлады.

«Сөздің шыны керек, төртінші тоқсанның соңына қарай ата-аналар оқу жылының аяқталғанын күтеді. Мұғалім де оны біледі. Осыған байланысты өзіміздің шешімімізді жеткіздік. Соның ішінде биыл қорытынды аттестаттаудың болмайтынын айттық. Бұл 9-11 сыныптағы балаларға қатысты ақпарат. Үш тоқсанның қорытындысы жасалған. Төртінші тоқсанда қашықтан оқытуда бөлім бойынша және тоқсан бойынша жиынтық бағалау өткізіледі. Осылардың негізінде жылдық баға шығарылып, 9-11 сыныптардағы қорытынды бағалау және аттестат беру осы бағалардың негізінде ұсынылатын болады», – деді Шолпан Қаринова министрліктің онлайн режимде өткен қашықтан оқытудың аралық көрсеткіштері туралы брифингінде.

Шолпан Қаринованың айтуынша, мұғалімдер мен ата-аналардың да басым көпшілігі телесабақты тиімді санайды.

«Ел Арна және «Balapan» телеарнасында сабақтардың түсірілімі жасалып, қазіргі уақытта көрсетіліп жатыр. Сапасына қатысты пікірлерді естіп жатырмыз. Мұғалімдердің де, ата-аналардың да басым көпшілігі бұл жүйенің өте тиімді екенін айтты. Нұр-Сұлтан қаласында жұмыс істеп жатқан мұғалімдер, Назарбаев зияткерлік мектептері мұғалімдері осы түсірілімдерге қатысып, көп жұмыс атқарғанын атап өткім келеді», – деді ол.

Білім және ғылым вице-министрі телесабақ асығыс түсірілгенімен телесабаққа түскен мұғалімдер өздерінің жауапкершілігін таныта білгенін жеткізді.

«Сабақ беруде дәстүрлі форматта кестеге, сабақтың неше басталып, нешеде аяқталатынына үйреніп кеттік. Ал қазір қашықтан оқытуда сабақтың белгілеудің қажеті жоқ. Жалпы мұғалім мен баланың арасындағы қашықтан оқытуда байланыстың түзу орнатылуы маңызды болып отыр. Екіншіден осыған дейінгі берілген үй тапсырмалары өзгерді. Қазіргі беріліп жатқан тапсырмалардың бәрін оқу тапсырмалары дейміз. Оқу тапсырмаларының көлемі, оның қай уақытта берілуі, қай уақытта оқушыдан кері байланыстың болуы бойынша Білім және ғылым министрлігі нақты әдістемелік құралды бекітті. Шынында осыған дейін бұлай болмағандықтан кей мұғалімдер қиналып жүр», – деп айтып өтті БҒМ вице-министрі.