Төтенше жағдай кезеңінде табысынан айырылуға байланысты Мемлекеттік әлеуметтік сақтандыру қорынан берілетін төлемдерге өтініштер беру үшін Enbek.kz электрондық еңбек биржасының алаңында сервис құрылды.
Сервис арқылы МӘСҚ-тан ең төменгі жалақы – 42 500 теңге мөлшерінде төлемге өтініш беру үшін келесі қадамдарды орындау қажет:
1. https://42500.enbek.kz сайтына кіріңіз;
2. "Жәрдемақы алу 42 500" таңдаңыз;
3. Өтініш берушінің аты-жөні, ЖСН, IBAN немесе жұмыс берушінің БСН, электронды поштасы көрсетілген нысанды (форманы) толтырыңыз;
4.Форманы жолдайсыз;
5. Нысан (форма) жіберiлiп, жүйе телефон нөмірін сұрайды;
6.Телефон нөмірін SMS арқылы жіберілген кодпен растайсыз;
7. Өтініш жіберілді.
Өтінішті өңдеп, "Азаматтарға арналған үкімет" мемлекеттік корпорациясы" КЕАҚ деректерін тексергеннен кейін, өтініш беруші қабылданған шешім туралы SMS-хабарлама алады.
Ақпарат төлемді тағайындау және төлеу үшін МӘСҚ-қа жіберіледі.
