Төтенше жағдайлар вице-министрі Бауыржан Сыздықов Үкімет отырысынан кейінгі брифингте су тасқынымен күреске қанша қаржы бөлінгенін айтты, деп хабарлайды inbusiness.kz сайты.
Журналист ТЖМ өкілінен "Су тасқынының алдын алу және салдарын жоюға 7 млрд теңгеден астам қаржы бөлінгені айтылды. Бұл қаражат қайда жұмсалды?" деп сұрады.
"Негізінде 7 млрд теңгеден астам ақша бөлінген жоқ, бұл қарастырылды. Осыны дұрыс түсінген дұрыс. Бұл қаражат жергілікті атқарушы органдардың бюджеттерінде қарастырылады. Әкімдіктердің дерегінше, бүгінде осы қаржыдан 3 млрд теңгеден астам бөлінген. Бұл қаражаттың бәрі су тасқынын ескертуге және онымен күресуге бағытталып жатыр", - деп жауап берді вице-министр.
Айта кету керек, осыған дейін тасқын салдарынан қанша үй су астында қалғанын жазған болатынбыз.
