Бұл туралы Қаржы министрі Ерұлан Жамаубаев мәлімдеді, деп жазады inbusiness.kz.
"Орталық сайлау комиссиясы ең әуелі бюджеттің процесі бойынша бізге тиісті тапсырыс береді. Осындай қаражат керек дегендей. Бұл есептеулерді алмай тұрып, қанша кетеді дегенді қалай айта аламын", - деді министр Мәжіліс кулуарында.
Айта кету керек, былтыр Конституцияға енгізілетін түзетулер бойынша референдумға 16,4 млрд теңге жұмсалған болатын.
Ерұлан Жамаубаев бұл сомадан аз кетуі мүмкін екенін жоққа шығармады.
"Мүмкін одан аз болар. Үлкен қаражат кетеді деп ойламаймын", - деді ведомство басшысы.
Айта кету керек, Мемлекет басшысы Қасым-Жомарт Тоқаев Қазақстан халқына Жолдауында АЭС салу немесе салмау мәселесі жалпыұлттық референдум арқылы шешілетінін айтқан болатын.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
