Соңғы мәліметтерге сәйкес, ел астанасы Афинаның орталық көшелеріне, 90 мыңға жуық адам шыққан. Олар полицияға Молотов коктейльдерін лақтыра бастаған, ал тәртіп сақшылары жауап ретінде, көз жасаурататын газ қолданыпты. Шерушілер биліктен өткен аптада болған теміржол апатының нақты себебін анықтауды талап етуде.
Еске сала кетсек, Афины мен Салоники қаласының ортасында, жолаушылар поезы мен жүк пойызы бетпе бет келіп соқтығысып, салдарынан 57 адам қайтыс болған. Олардың көпшілігі демалыстан, оқуға бара жатқан студенттер еді. Ондаған адам ауыр жарақат алды. Билік, апат, теміржол қызметкерлерінің қателігінен болды деп, сала министрін қызметінен босатты, бірнеше шенеунік тұтқынға алынды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
