Мәжілістің жалпы отырысында сайлау және саяси партияларға қатысты заң жобалары талқыланды.
Заңнама және сот-құқықтық реформа комитетінің төрағасы Нұрлан Әбдіров аталмыш заң жобасы Президент Қасым-Жомарт Тоқаевтың Ұлттық қоғамдық сенім кеңесінің екінші отырысында берген тапсырмасын орындау үшін әзірленгенін айтты.
Оның сөзінше, құжат әйелдер мен жастардың қоғамдық-саяси өмірдегі белсенділігін арттыруды көздейді.
"Комитет аталған заң жобасын жұмысқа алуға және ол бойынша 2020 жылғы 27 қарашаға дейін қорытынды әзірлеуге дайын", – деді Нұрлан Әбдіров.
Осыдан соң "Саяси партиялар туралы" Қазақстан Республикасының заңына өзгеріс пен толықтыру енгізу туралы" заң жобасы сарапталды.
"Құжаттың басты мақсаты – сапалы партиялық жүйе құру, саяси партияларды тіркеудің талабын өзгерту. Заң жобасы жаңа саяси партиялардың пайда болуына жағдай жасауға және әйелдер мен жастардың саясатқа келуін ынталандыруға бағытталған", – деді Нұрлан Әбдіров.
Қанат Махамбет
