Бұл туралы Ақмола облысының әкімі Ермек Маржықпаев елордада өткен брифингте айтты.
"Өңірде Индустрияландыру картасы бойынша 276 млрд теңгеге 38 жоба жүзеге асырылуда. Оның 14-і жыл соңына дейін аяқталады. Бұл өңірде 3,7 мың жаңа жұмыс орнын құруға мүмкіндік береді", – деді әкім.
Ермек Маржықпаевтың айтуынша, аймақтағы ірі жобалардың қатарында екі алтын өндіру фабрикасы, яғни, "RG Gold" ЖШС және "Ақсу Technology" құрылысы бар.
"Бұл алтын өндірісін және оның жалпы республикалық көлемдегі үлесін 35%-ға дейін ұлғайтуға мүмкіндік беретін ірі жобалар. Зауыттарды іске қосу облысқа түсті металлургия саласында алдыңғы қатардағы орнымызды нығайтуға мүмкіндік береді", – деді облыс басшысы.
Құралай Құдайберген
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
