8 қаңтарда Астана-Петропавл автожолының 236-шақырымында 9 көлік бір-бірімен соқтығысқан. Оқиға салдарынан қазақстандық көлік жүргізушілері мен шетелдік азамат зардап шеккен, деп хабарлайды inbusiness.kz Telegram-дағы polisia.kz арнасына сілтеме жасап.
34 жастағы ВАЗ 2109 жүргізушісі ауа райының қолайсыздығын ескермей, 64 жастағы астаналық тізгіндеген Chevrolet Cobalt және 38 жастағы Беларусь азаматы басқарған Volvo көліктеріне соғылған.
Содан кейін тағы 6 автомобиль соқтығысқан: Renault Sandero, "ГАЗель", 2 Toyota Camry, Daimler Chrysler және Toyota Prado.
Көлік апаты салдарынан "Авиценна Бурабай" компаниясына 19-49 жас аралығындағы 2 жүргізуші мен 7 жолаушы жеткізілді. Әкімшілік құқық бұзушылық туралы кодекстің 610-бабы 1-бөлігі бойынша 6 жүргізушіге әкімшілік хаттама толтырылды.
