Ақмола облысында көлік айдау құқығынан айырылған жүргізуші ұсталды, деп жазады inbusiness.kz 716.kz порталына сілтеме жасап.
26 қазан күні сағат 04.00 шамасында Көкшетау қалалық патрульдік полиция қызметкерлері көшелерді патрульдеу кезінде Зеренді ауданының 20 жастағы тұрғыны тізгіндеген ВАЗ-2110 көлігін тоқтатты.
Медициналық куәландыру қорытындысы ер адамның жеңіл дәрежеде мас күйде болғанын анықтады. Тексеру барысында биыл сот шешімімен жүргізушінің 7 жыл мерзімге көлік құралын басқару құқығынан айырылғаны да белгілі болды.
Бұл дерек ҚР ҚК 346-бабы 1-бөлігінің сотқа дейінгі тергеп-тексерулердің бірыңғай тізілімінде тіркелді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
