"Аталған факт бойынша ҚР Қылмыстық Кодексінің 306-бабы бойынша (Қауiпсiздiк талаптарына сай келмейтін тауарларды шығару немесе сату, жұмыстарды орындау не қызметтер көрсету) сотқа дейінгі тергеу басталды. Сараптама тағайындалды", - делінген облыстық Полиция департаментінің баспасөз қызметі таратқан мәліметте.
Ақпаратқа сәйкес, қайғылы жағдай 2 қаңтар күні болған.
"Сағат 17:25-те Зеренді ауданы полиция бөлімінің кезекші бөліміне шаңғы базасының басқарушысынан Садовое ауылынан 10 км қашықтықта 2006 жылғы астаналық кәмелетке толмаған баланың шаңғы жолында көз жұмғаны туралы хабарлама келіп түскен. Оқиға орнына жедел-тергеу тобы жеткен. Мәліметтерді жинау барысында кәмелетке толмаған баланың ата-анасымен бірге шаңғы базасына демалуға келгені белгілі болды. Тіршілік белгісі жоқ жас жігіттің денесін екі демалушы тапқан. Ол шаңғы трассасында түсіп бара жатқан кезде ағашқа соғылып, құлап, есін жимастан көз жұмған", - деп хабарлады тәртіп сақшылары.
