10 тамыз күні Астана-Петропавл автожолының 97-шақырымында "Mercedes-Benz Sprinter" шағын автобусы мен "ГАЗ 53" жүк көлігі соқтығысып, қайғылы жол апаты болды, деп хабарлайды inbusiness.kz сайты.
Соқтығыс салдарынан "Mercedes-Benz Sprinter" автокөлігінің екі жолаушысы оқиға орнында тіл тартпай кетті.
Сонымен қатар, түрлі жарақат алған "Mercedes-Benz Sprinter" көлігінің 7 жолаушысы, "ГАЗ 53" автокөлігінің 1 жолаушысы жедел түрде медициналық мекемеге жеткізілді.
Қазіргі уақытта аталған факті бойынша сотқа дейінгі тергеу амалдары жүргізіліп жатыр. Оның нәтижесі бойынша тиісті процестік шешім қабылданады.
"Mercedes-Benz Sprinter" автокөлігінің жүргізушісі ұсталып, уақытша ұстау изоляторына қамалды.
Департамент өкілдері жүргізушілерді жол жүрісі ережелерін, жылдамдық режимін қатаң сақтауға және жолда өте мұқият болуға шақырады.
