Ақмола облысында екі ірі жол апаты орын алып, 6 адам құрбан болды, 4 адам жарақат алды, деп хабарлайды Интерфакс-Қазақстан.
Құқық қорғау органынан берілген мәлімет бойынша бірінші жол апаты жексенбі күні таңертең Көкшетау-Астана автожолынан 251 шақырым қашықтықта, Бурабай ауданында болған.
"Hyundai Starex жүргізушісі рөлге ие бола алмай қалып, бұрынғы көлік бақылау бекетінің қабырғасына барып соғылған. Салдарынан 3 адам көз жұмып, төрт адам зардап шекті", - дейді ресми органнан.
Жарақат алғандар аудандық орталық ауруханаға жеткізілген.
"Оқиғаның орын алуына көктайғақ пен қар әсер еткен", - дейді ақпар беруші.
Екінші жол-көлік оқиғасы Алматы-Екатеринбург автожолының 201-шақырымында, Астрахан ауданына қарасты Колутон ауылына жақын маңда орын алыпты.
"Volkswagen жеңіл көлігінің жүргізушісі қар басқан жолда қарсы жолаққа шығып кетіп, DAF жүк көлігімен соғысқан. Салдарынан жанында ұлы бар ерлі-зайыптылар түгел опат болды. Жүк көлігінің жүргізушісі дін аман", - дейді ведомство өкілі.
