АҚШ Конгресінің Өкілдер палатасының спикері Нэнси Пелоси халықаралық қауымдастықты Қытайдағы Олимпиада ойындарына дипломатиялық бойкот жариялауға үндеді, деп хабарлайды Inbsiness.kz америкалық БАҚ-қа сілтеме жасап.
Пелоси бойкот аясында әлемнің жетекші елдерінің басшылары ҚХР-дағы Олимпиада ойындарына қатысудан бас тартуы керектігін айтты.
АҚШ-тағы Қытай елшілігінің өкілі Лю Пэнъюй Пелосидің үндеуіне жауап ретінде өзінің Twitter-дегі парақшасында: "Бейжің Олимпиадалық Хартия рухына қайшы келетін және сайып келгенде барлық спортшылардың адал күреске деген құқығына нұқсан келтіретін жайттарға, спортты саясатқа араластыруға қатты қарсы", – деп жазды.
7 сәуірде АҚШ шетелдік одақтастарымен бойкот жариялау мәселесін талқыламақшы болған еді. АҚШ Мемлекеттік департаментінің баспасөз қызметінің жетекшісі Нед Прайс Вашингтон Бейжіңдегі ойындарға өзге елдермен бойкот жариялау идеясын қарастырып жатқанын айтқан болатын.
Табиғат Нұрболат
