АҚШ-тың Федералды резервтік жүйесі базалық пайыздық мөлшерлемені 0-0, 25% деңгейінде қалдырды, деп хабарлайды Inbusiness.kz порталы қаржы реттеушісінің ресми мәлімдемесіне сілтеме жасап.
"Комитет федералды қор мөлшерлемесінің диапазонын 0-0,25% деңгейінде сақтау туралы шешім қабылдады. Еңбек нарығындағы жағдай реттелмейінше, сондай-ақ инфляция 2%-ға дейін өспейінше осы диапазон бекітіледі", – деп жазылған хабарламада.
Алдағы айларда қаржы реттеушісі қазынашылық облигацияларды ай сайын кемінде 80 миллиард долларға, құнды қағаздарды 40 миллиард долларға сатып алу процесін жалғастырады. Федералды резервтік жүйесі COVID-19 пандемиясының экономикалық белсенділікке, жұмыспен қамтуға және инфляцияға кері әсерін тигізіп, АҚШ пен басқа елдердің экономикасына айтарлықтай қауіп төндіріп отырғанын атап өтті.
Табиғат Нұрболат
Фото: usnews.com
