Демократиялық партия атынан АҚШ вице-президенттігіне үміткер Тим Уолц 1 қазанда CBS News телеарнасында өтетін дебатқа қатысуға келісімін берді, деп хабарлайды inbusiness.kz сайты Интерфакс басылымына сілтеме жасап.
"1 қазан күні кездескенше, Джей Ди Вэнс", - деп жазды Тим Уолц әлеуметтік желіде.
Джей Ди Вэнс – республикалық партия атынан вице-президенттікке үміткер.
Осыған дейін CBS News әлеуметтік желілерде Уолц пен Вэнске қыркүйек немесе қазан айында Нью-Йоркте пікірталас өткізу бойынша шақыртуын жариялады.
АҚШ президенттігіне кандидат Камала Харристің сайлауалды штабының өкілі Уолцтың дебатқа қатысуы бойынша келісімін растады.
Айта кету керек, осыған дейін АҚШ президенттігіне үміткерлер – Дональд Трамп пен Камала Харрис 10 қыркүйекте өтетін теледебатта кездесетінін жазған болатынбыз.
