Ақтөбе – Атырау тасжолында ауыр жол-көлік оқиғасы тіркеліп, салдарынан бес адам көз жұмды, деп жазады inbusiness.kz сайты.
Алдын ала мәліметтерге сәйкес, "ВАЗ" және "DAF" маркалы көліктер соқтығысқан. Апаттың салдарынан жеңіл көліктің жүргізушісі мен төрт жолаушысы оқиға орнында көз жұмды.
Тағы бір жолаушы түрлі жарақатпен Байғанин аудандық орталық ауруханасына жеткізіліп, дәрігерлердің бақылауына алынған.
Полиция аталған дерек бойынша сотқа дейінгі тергеуді бастады. Қазіргі уақытта жол апатының нақты себептері мен мән-жайы анықталып жатыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
