"Жаңажол" газ өндеу зауытындағы өрт кеше сағат 15:55-те тұтанып, бүгін сағат 6:20-да сөндірілді, деп хабарлайды inbusiness.kz.
Ақтөбе облыстық ТЖД баспасөз қызметінің хабарлауынша, өрт сөндірушілер қызыл жалынның 20 тонналық 5 цистерна мен басқа да обьектілерге таралуына жол бермеді. Өртпен күрес жұмыстарын түнімен жүргізіп, сағат 6:20-да сөндірді.
Еске сала кетсек, 1 мамыр күні сағат 15:55-те (Ақтөбе облысының уақыты бойынша) 112 пультіне "СНПС-Ақтөбемұнайгаз" АҚ №2 газ өңдеу зауытының аумағы, Мұғалжар ауданы Батпақкөл ауылдық округінің "Жаңажол" кен орнында қондырғы өртенгені туралы хабарлама түскен.
ТЖД басшылығы аэровизуальды барлау жұмыстарын жүргізіп, жедел штаб құрылды. Өртті сөндіруге Ақтөбе облысы ТЖД және "Семсер өрт сөндіруші" ЖШС-нен 50-ден астам қызметкер мен 9 техника жұмылдырылды.
Бұған дейін Ақтөбедегі газ өңдеу зауытында 4 жұмысшы қалғанын жазған болатынбыз.
