2021 жылдың екінші тоқсанында бірқатар елдің орталық банктері алтын сатып алды, деп хабарлайды Inbusiness.kz алтын жөніндегі дүниежүзілік кеңестің мәліметіне сілтеме жасап.
Ұйымның дерегіне сүйенсек, сәуір және маусым айлары аралығында алтынды әсіресе дамушы елдердің орталық банктері сатып алған. Олардың қатарында Таиланд (90,2 тонна), Венгрия (62 тонна), Бразилия (53,7 тонна), Үндістан (29 тонна) және Өзбекстан (25,5 тонна) бар.
Экономистердің айтуынша, реттеушілер мұндай шара қабылдау арқылы өсіп келе жатқан инфляциядан сақтанып,өздерінің халықаралық қорларын әртараптандырмақ.
Кейбір орталық банктер, керісінше, алтын қорын сата бастаған. Ресейлік орталық банк бағалы металдың 3,1 тоннасын, Германияның Бундсбанкі — 3,3 тоннасын, қазақстандық реттеуші 9,9 тоннасын сатты.
Табиғат Нұрболат
