Сөзінің қорытындысында барлық мәселені шұғыл шешу мүмкін емес екенін айтты.
"Құрметті депутаттар, әлеуметтік саланың барлық сұрағын шұғыл, бір-екі жылдың ішінде шешу мүмкін емес екені өздеріңізге белгілі. Кейбір мәселелер елдің экономикалық мүмкіндіктері ескеріле отырып, кезең-кезеңімен жүзеге асырылады. Сондықтан зейнетақы жүйесіне қатысты, әлеуметтік төлемдердің көлеміне қатысты нақты сұрақтар әзірленіп жатқан Әлеуметтік кодекс аясында, өздеріңізбен бірге қарастырылатын болады", – деді Тоғжанов.
Баяндамашының сөзіне сүйенсек, депутаттар мен үкіметке келіп жатқан өтініштердің мәні бірдей – нақты табысты арттыруға, кедейлік деңгейін төмендетуге қатысты.
Депутаттардың өңірлерге сапары барысында екі мыңға жуық сұрақтар көтерілген. Үкіметке азаматтардан 1 800 өтініш тікелей келіп түскен.
