Жыл басында Алматы облысы жол-патрульдік полициясының 6 қызметкеріне қатысты Қарасай аудандық соты үкім шығарды, деп хабарлайды inbusiness.kz сайты.
Олар автокөлік жүргізушілерінен пара алғаны үшін кінәлі деп танылған.
Лауазымды тұлғаларға жалпы 58,8 миллион теңге айыппұл салынды. Сондай-ақ, пара берушілерге жалпы сомасы 3,85 миллион теңге айыппұл түрінде жаза тағайындалды.
Барлық сотталғандар өмір бойы мемлекеттік қызметте қызмет атқару құқығынан айырылады.
Қылмыстық кодекстің 41-бабына сәйкес, айыппұл белгіленген мерзімде төленбесе жаза шарасы бас бостандығынан айыруға ауыстырылады.
Сот үкімі заңды күшіне енген жоқ.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
