22 тамызда Алматы облысы Байсерке ауылында жеңіл көлік пен мопед соқтығысып, оқиға орнында 17 жастағы бозбала тіл тартпай кетті, деп жазады inbusiness.kz zakon.kz-ке сілтеме жасап.
Toyota Kamry көлігін тізгіндеген бойжеткен Жұбанов көшесімен оңтүстік бағытта келе жатып жол қилысында тоқтамастан тікке өткен.
Сол кезде бар жылдамдығымен мопед жеңіл көліктің оң жағындағы алдыңғы есігіне соғылған. Ауыр соққы салдарынан мопедтің өзі бір жаққа, оның жүргізушісі бір жаққа ұшып түскен.
Мопед тізгініндегі 17 жастағы бозбала оқиға орнында қаза тапты.
Оқиға орнында Алматы облысының анықтаушылары, полиция қызметкерлері, криминалистері жұмыс істеп жатыр.
Қажетті сараптамалар тағайындалды. Оқиғаның мән-жайы анықталу үстінде.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
