Алматыда екі автобустың соқтығысуынан 1 адам мерт болып, 15 адам жарақаттанды деп хабарлайды inbusiness.kz Рolisia.kz-ке сілтеме жасап.
"Алматы қалалық полиция департаменті 98 және 201-ші бағыттағы екі қоғамдық көліктің соқтығысуы салдарынан бір адам қаза тауып, алдын ала мәлімет бойынша 15 адам жарақат алғанын хабарлайды. Аталған дерек ҚР Қылмыстық кодексінің 345-бабы 3-бөлігі бойынша сотқа дейінгі тергеудің бірыңғай тізіліміне тіркелді. Сараптамалар тағайындалды", - делінген полиция мәліметінде.
Алматыда жақында ғана тағы бір қоғамдық көлік жол апатына ұшыраған еді. Ол кезде жүргізуші рульге ие бола алмай қалып, тұрғын үйге соғылды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
