/img/Group 538png
/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 384,89 Brent 36,55
Алматыда ерлі-зайыптылар үйінде есірткі өсірген

Алматыда ерлі-зайыптылар үйінде есірткі өсірген

ҚР Қылмыстық кодексінің 296-бабы бойынша қылмыстық іс қозғалды. 

29 Мамыр 2020 11:21 143

Алматыда ерлі-зайыптылар үйінде есірткі өсірген

Ерлі-зайыпты қаланың төменгі бөлігінде орналасқан «Алтай» ықшамауданында тұрады және үй өсімдіктерімен қатар үйінде қарасораның есірткі түрін өсірген, деп хабарлайды Алматы қалалық полиция департаментінің баспасөз қызметі. 

Үй иесінің айтуынша, ол мұны жеке тұтыну үшін өсірген, бірақ сараптама оның денесінде есірткіге сәйкес заттардың жоғын көрсетті. Алайда онымен бірге тұратын әйелдердің қанынан есірткі анықталды. 

«Ол 1968 жылы туған Б.есімді тұрғын. Басында кез-келген есірткі затын тұтынбағанын айтқан болатын. Есірткі қолданғаны үшін оған ҚР Қылмыстық кодексінің 296-бабы бойынша қылмыстық іс қозғалды. Сонымен қатар, С. есімді ер адам үй иесі болғандықтан ҚР Қылмыстық кодексінің 300-бабы (өсіруге тыйым салынған, құрамында есірткі заттары бар өсімдіктерді заңсыз өсіру) бойынша қылмыстық іс қозғалды. Күдіктілердің үйінен тек құмырада өсетін сегіз қарасора табылды. Барлық заттай айғақтар тәркіленіп, тиісті сараптамаға 
жіберілді. Ұсталғандардың ешқайсысында тұрақты жұмысы жоқ. Әйел бұрын аса ауыр қылмысы үшін сотталған. Қазіргі уақытта қылмыстық заңнаманы бұзудың барлық фактілері бойынша сотқа дейінгі тергеу амалдары жүргізіліп жатыр», – деді Түрксіб аудандық ПБ жанындағы полиция бөлімінің басшысы Ерлан Аянбаев.

Құралай Құдайберген
 

Түркістан облысында 1 гектар жерге көкнәр еккендер ұсталды

Көкнәр жүгері арасына егіліпті.

21 Мамыр 2019 15:11 331

Түркістан облысында 1 гектар жерге көкнәр еккендер ұсталды

Келес ауданындағы ауылдардың бірінде егістік алқабынан есірткі тектес өсімдік – көкнәр табылды, деп хабарлайды otyrar.kz.

Егістік тікенді металл сымдарымен қоршалып, көкнәр жүгері арасына араластырылып егілген.

Полицейлер айғақ зат ретінде 7 мың түптен астамын тәркіледі. Оның жалпы салмағы 300 кг-нан асты.

Оқиға орнында құрықталған ағайынды екі азаматқа қатысты қылмыстық іс қозғалды. Күдіктілер қамауда.

Қытайда ұсталған қазақстандық қызды сол елдің адвокаты қорғайды

2019 жылдың 27 ақпанында Чжэцзян провинциясы құқық қорғау органдарының қызметкерлері Қазақстан азаматы Юлия Ходеваны ұстағаны мәлім болды.

11 Наурыз 2019 18:44 309

Қытайда ұсталған қазақстандық қызды сол елдің адвокаты қорғайды

Шанхай қаласындағы Қазақстан консулы есірткі сақтады деген күдікпен қамауға алынған студент Юлия Ходевамен кездеседі, деп хабарлады Sputnik Қазақстан.

Сыртқы істер министрлігінің ресми өкілі Айбек Смадияровтың айтуынша, осы жылдың 27 ақпанында ҚХР құқық қорғау органдары Қазақстан азаматы Юлия Ходеваны ұстаған. Ол есірткі сақтады және таратты деген күдікке ілінген.

«Қытай азаматы саналатын адвокат қазақстандық студентті қорғайды. Сондай-ақ Юлия Ходеваның ата-анасымен байланыс орнатылды. Шанхайдағы Қазақстанның бас консулдығы аталған мәселені бақылауға алды. Осы аптаның соңында біздің консул уақытша ұстау изоляторына барып,  Юлия Ходевамен кездеседі», –  деді ол Астанада өткен баспасөз мәслихатында.

Сонымен қатар Айбек Смадияров Юлия Ходева Қытайда оқып жатқанына 6 жыл болғанын, оның оқуды бітіруіне аз ғана уақыт қалғанын атап өтті.

«Ол консул есебінде болмаған. Сондықтан біздің қызметкерлер оның Қытайда оқып жатқаны туралы білмеген. Шетелдегі қазақстандық студенттерге консул есебіне тұруға кеңес береміз», – деді ресми өкіл.

Айта кетейік, осыған дейін БАҚ-та 2019 жылдың 27 ақпанында Чжэцзян провинциясы құқық қорғау органдарының қызметкерлері Қазақстан азаматы Юлия Ходеваны ұстағаны мәлім болған. Ол есірткі сақтады және таратты деген күдікке ілінген.