Алматыда полицейлердің автобусы жол апатына ұшырады, деп хабарлайды inbusiness.kz сайты.
Алматы полиция департаментінің хабарлауынша, бүгін таңғы сағат 07:40-та Қабанбай батыр мен Желтоқсан көшелерінің қиылысында мамандандырылған күзет қызметі басқармасының қызметтік көлігінің жол апатына түсуіне байланысты тергеу басталды.
"Жол апаты салдарынан "Сузуки" маркалы автокөліктің жүргізушісі зардап шекті. Ол қаланың ауруханаларының біріне жеткізілді. Жол-көлік оқиғасының басқа да мән-жайлары анықталып жатыр", - деп хабарлады Алматы полиция департаментінің баспасөз қызметі.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
