Алматы қалалық денсаулық сақтау басқармасы екі автобус соғылған кезде жарақат алғандарға қатысты түсініктеме берді. Департаменттің дерегінше, жалпы саны 19 адам зардап шекті. Оның бірі - оқиға орнында қайтыс болды.
"Қаланың ауруханаларына 17 адам әртүрлі жарақаттармен жеткізілді. Жалпы, жол-көлік оқиғасынан 19 адам зардап шекті, біреуі медициналық көмектен бас тартты. Бір жолаушы жедел жәрдем келгенге дейін қайтыс болды", – деп хабарлады қалалық денсаулық сақтау басқармасының баспасөз қызметі.
Еске сала кетсек, 8 қараша Алматы 98 және 201-ші бағыттағы екі қоғамдық көліктің соқтығысуы салдарынан бір адам қаза тапты. Полиция аталған дерек ҚР ҚК-нің 345-бабы 3-бөлігі бойынша сотқа дейінгі тергеудің бірыңғай тізіліміне тіркелгенін хабарлады.
Тиісті сараптамалар тағайындалды.
