Бір қолымен бесікті тербетсе, бір қолымен әлемді тербеткен аруларымыз үйдің ғана емес, сырттың да жұмысын абыроймен атқарып жүргені шындық, деп жазды inbusiness.kz.
Сұлулық пен нәзіктік, батырлық пен қайсарлық секілді асыл қасиеттерді бір бойына сыйдырған қыз-келіншектер Төтенше жағдайлар департаментінде қиын да, қауіпті қызмет атқарады.
Мәселен, тек Алматыдағы Төтенше жағдайлар департаментінде 200-ге жуық ару қызмет етеді. Бірі диспетчер, бірі өрт сөндіруші, бірі жүргізуші. Осынау мереке қарсаңында құтқарушылар ел аруларына ізгі тілектерін жеткізді.
"Сіздер барда ер азаматтардың еңсесі ешқашан түскен емес. Өміріміздің мәні де сәні де сіздерсіздер. Сондықтан денсаулық, отбасылық махаббат тілейміз. Әр таңдарыңыз шуақты, бай-қуатты болыңыздар", – деп жазды ТЖД ұжымы.
