Елімізде Төтенше жағдай режимі аяқталды. Алайда карантин жалғасуда. Демек қала шекараларында орналастырылған бақылау-өткізу бекеттері алынбайды, індеттің таралуы тоқтағанша күшейтілген санитарлық-эпидемиологиялық талаптардың сақталады. Бұл туралы Алматы қаласының бас санитар дәрігері Жандарбек Бекшин мәлімдеді.
"11 мамырда Алматы қаласында карантин режимі сақталады. Периметр бойынша орналасқан блок-бекеттердің жұмысы да жалғасады. Бұған дейін қабылданған қалаға кіру мен шығу ережелері сол күйі сақталады. Жұмысқа рұқсат алған кәсіпорындар ғана жіберіледі. Қоғамдық көліктің жұмыс тәртібі де өзгеріссіз қалады (сағат 06.00-ден кешкі 19.00-ге дейін)", – деді ол.
Нұр-Сұлтан қаласы әкімдігі де бұл талаптардың сақталатынын хабарлады.
Құралай Құдайберген
