Мәселен, ҚР ҚМ Мемлекеттік кірістер комитеті бірқатар бақылау шараларын жүзеге асырды.
Атап айтқанда, “Алтын Орда” базар аумағында сауда жасайтын 2993 тұлға кәсіпкер ретінде тіркелді. Оның ішінде ақпанда – 1 371, наурызда – 1 443, сәуірде – 179 бизнес иесі бар. Аталған 3 мыңға жуық адам осы уақытқа дейін, салық төлемей, кәсібін заңсыз жүргізіп келген.
"Бұрыннан тіркеліп, жұмыс жасап отырған жеке кәсіпкерлер мен заңды тұлғаларды қоса есептесек, қазіргі уақытта жалпы саны 3 324 субъектіні құраған", – деп хабарлады ведомство.
Бұрын базар аумағында сауда жасайтын 331 салық төлеуші ғана есепте тұрған.
Бақылау шаралары базарды жалға алушы "Altyn Orda QazTrade Ltd" ЖШС және базар иесі "KURYLYS LTD" - "Курылыс ЛТД" ЖШС-не қатысты жүргізілді.
Тексерулердің нәтижесінде бюджетке 1,5 млрд теңге салық төленді, оның ішінде "Altyn Orda QazTrade Ltd" ЖШС – 1,4 млрд теңге төлесе, "KURYLYS LTD" - "Курылыс ЛТД" ЖШС – 92,3 млн теңге бюджетке құйды.
“Одан бөлек, қолданылған шаралар арқылы "Altyn Orda QazTrade Ltd" ЖШС мен "KURYLYS LTD" - "Курылыс ЛТД" ЖШС-іне камералдық бақылау бойынша жалпы сомасы 1,3 млрд теңгеге хабарламалар жіберіліп, 1,1 млрд теңге қосымша салық есептелді. Қазіргі уақытта оның 650 млн теңгесі бюджетке өндірілді”, – деп хабарлады Мемлекеттік кірістер комитеті.
Камералдық бақылау – салық тексеруін жүргізбестен, мемлекеттік кірістер органдарымен хабарламалар жіберу арқылы жүргізілетін бақылау түрі.
Сонымен қатар қазіргі уақытта "Altyn Orda QazTrade Ltd" ЖШС және базар иесі "KURYLYS LTD" - "Курылыс ЛТД" ЖШС-не қатысты салықтық тексерулері жүргізілуде.
Құралай Құдайберген
