Кәсіпкер Анатолий Балушкинге іздеу жарияланғанын агенттік растады, деп хабарлайды inbusiness.kz.
Ведомство Forbes тізіміне енген қазақстандық миллионерге қатысты алаяқтық істі тергеп жатыр.
"Қаржы мониторингі агенттігінің Шығыс Қазақстан облысы бойынша департаменті "Азия-Авто" АҚ компаниялар тобының құрылтайшысы Анатолий Балушкинге қатысты Қылмыстық кодекстің 190-бабы 4-бөлігі бойынша (алаяқтық) қылмыстық істі тергеуде", - деп жазылған хабарламада.
Сот күзетпен ұстау (сырттай) түріндегі бұлтартпау шарасын санкциялаған. Басқа ақпарат тергеу жүріп жатқандықтан жария етілмейді.
Айта кетейік, осыған дейін кәсіпкер Анатолия Балушкинге іздеу жарияланғаны хабарланған.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
