Арыстағы құрылыс жұмыстарына тартылған "Астана РЭК" АҚ компаниясының қызметкері қайтыс болды. Бұл туралы әкімдіктің баспасөз қызметі хабарлады.
8 тамыз күні Арыс-Шымкент тас-жолында жол-көлік оқиғасы болды. Көліктің рөлінде болған Ермек Тютюбеков алған жарақатынан қайтыс болған.
"Нұр-Сұлтан қаласының әкімдігі Түркістан облысы, Арыс қаласындағы үйлерді қалпына келтіру жұмыстарын жүргізу үшін іс-сапармен жіберілген "Астана РЭК" АҚ компаниясының қызметкері Тютюбеков Ермек Сейтбекұлының мезгілсіз қайтыс болуына байланысты оның жақындары мен туған-туыстарына қайғырып көңіл айтады",– деп хабарланды елорда әкімдігінен.
Нұр-Сұлтан қаласының әкімдігі тарапынан оның отбасына материалдық көмек көрсетіледі.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
