Халықаралық әйелдер күніне орай елорданың сауда, ойын-сауық орталықтарында ауқымды мәдени-бұқаралық шаралар өтеді, деп хабарлады қала әкімдігінің ресми сайты.
7 наурызда "Керуен" СОО сағат 14:00-де Қазақ Ұлттық Өнер университеті жанындағы дарынды балаларға арналған мамандандырылған мектеп оқушыларының музыкалық концерті өтеді. 7-8 наурызда сағат 10:00-22:00 MEGA Astana СОО қолдан жасалған бұйымдар көрмесі ұйымдастырылады. Astana mall СОО-да MamaEXPO жәрмеңкесі аясында балалар тегін шеберлік сыныптарға қатыса алады, аниматорлар келушілердің көңілін көтеріп, лотерея ұтысы өткізіледі, сондай-ақ, қызғалдақтар таратылады. 8 наурызда сағат 12.00-ден 14:00-ге дейін "Керуен" СОО-ның 3-қабатында печенье пісіру бойынша шеберлік сыныбы өтеді.
Сонымен қатар, "Аружан" СОО сағат 13:00-ден 17.00-ге дейін көпшілік назарына концерттік шоу-бағдарлама ұсынылады. Ұлттық және заманауи би билеу, балаларға арналған шоу бағдарлама, сыйлықтар мен Star Play паркінің сертификаттарының ұтысы өткізіледі. Сағат 13.00-де "Сарыарқа" СОО-да Relax студиясының концерттік бағдарламасы көпшілікке көтеріңкі көңіл күй сыйлайды. MEGA Astana СОО сағат 15:00-ден 16:00-ға дейін кем дегенде 5000 теңгеге сауда жасаған ханымдар жеңіліссіз лотерея ұтысына қатыса алады.
