Ауа температурасының күрт төмендеп, жауын-шашынның мол түсуіне байланысты Астана қаласының коммуналдық қызметтері күшейтілген тәртіпте жұмыс істеп жатыр. Бұл туралы елорда әкімдігінің баспасөз қызметі хабарлады.
"Астана Тазалық" ЖШС-нің ақпаратына сәйкес, бүгінгі күннің өзінде қала аумағын тазалап, жолдарға құм-тұз қоспасын себу үшін 139 арнаулы техника мен 250-ден астам адам жұмылдырылды.
Синоптиктердің болжамына сәйкес, алдағы үш күнде елордада күн бұлттанып, оқтын-оқтын қар жауады, сырғыма боран соғып, көктайғақ болады. Ертең, 20 қазанда ауа температурасы түнде -4 -6° С, күндіз -1 -ден +1°С-ге дейін.
21 қазанда ауа температурасы түнде -6 -8°С дейін төмендеп, күндіз 1 - 3°С нөлден төмен.
22 қазанда көшпелі бұлт шығады, оқтын-оқтын қар жауып, сырғыма боран соғады. Солтүстіктен 914 м/с жел соғады. Ауа температурасы түнде -7-9°С, күндіз -2 -4°С.
ҚазАқпарат
