Астанада түнгі уақытта жолда дрифт жасап, қауіпті маневрлерге барған 22 жастағы жүргізуші 10 тәулікке әкімшілік қамаққа алынды, деп хабарлайды inbusiness.kz сайты.
Оқиға түнгі сағат 00:00 шамасында болған. Патрульдік полиция қызметкерлері ВАЗ Lada автокөлігінің жүргізушісін байқап, оның жолдың жүріс бөлігінде қауіпті маневрлер жасағанын анықтады.
Полицейлер жүргізушіні тоқтатып, іс материалдарын сотқа жолдады. Сот шешімімен ол 10 тәулікке әкімшілік қамаққа алынды. Автокөлік коммуналдық тұраққа қойылды.
Полиция жүргізушілерді жол қозғалысы ережелерін сақтап, басқа адамдардың өмірі мен денсаулығына қауіп төндірмеуге шақырды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
