Атырауда жол апатынан 4 адам көз жұмды, деп хабарлайды облыстық полиция департаментінің баспасөз қызметі.
Баспасөз қызметі таратқан ақпаратқа сүйенсек, жол-көлік оқиғасы өткен түні "Орал-Атырау" тас жолының Атырау қаласына жетеберіс тұсында болған. Жүргізуші рөлге ие бола алмай қалып, көлік аударылған.
"Жол-көлік оқиғасы салдарынан автокөліктегі екі жолаушы оқиға орнында көз жұмды. Жүргізуші мен тағы екі жолаушы жансақтау бөліміне жеткізілген, кейінірек оның екеуі алған жарақатынан қайтыс болды", – деп жазылған хабарламада.
Қазір Қылмыстық кодекстің 345 бабы (Көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзуы) 4 бөлігіне сәйкес сотқа дейінгі тергеу жүріп жатыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
