"Бұл өзгеріс Ұлттық Банктің базалық мөлшерлемесін ескере отырып қайта қаралды және бұл субсидиялау қағидаларына жиі өзгерістер енгізу қажеттілігін жояды", – деп сендіреді министрліктен.
"Мысалы, егер қарыз шартын жасасу кезінде Ұлттық Банктің базалық мөлшерлемесі жылдық 14%-ды құраса, бұл жағдайда субсидиялауға жататын номиналды сыйақы мөлшерлемесі 21,5 %-дан аспауы тиіс. Қарыз алушы номиналды сыйақы мөлшерлемесінің 6%-ын төлейді, Ұлттық Банктің базалық мөлшерлемесі мен 7,5% жылдық пайыздық жиынтық сомасы мен қарыз алушының теңгемен төлеген 6% арасындағы айырманың нәтижесінде алынған номиналды сыйақы мөлшерлемесінің қалған бөлігі мемлекеттік бюджеттен субсидияланады (сыйақының номиналды мөлшерлемесі 21,5% болған кезде АӨК субъектісі 6% төлейді, мемлекет 15,5% субсидиялайды)", – деп жазылған ведомствоның ақпаратында.
Субсидиялауға мынадай бағыттар жатады:
1) Ауыл шаруашылығы техникасын, оның ішінде аспалы және тіркемелі жабдықтарды сатып алуға, сондай-ақ ауыл шаруашылығы жануарларын сатып алуға, негізгі құралдарды сатып алуға, құрылыс салуға (ұн, минералдық сулар және алкогольсіз сусындар өндіруге арналған негізгі құралдарды сатып алуға арналған қарыздарды қоспағанда) арналған;
2) Өндірістік процестің технологиялық циклі үшін қажетті айналым қаражатын толықтыруға арналған;
3) Көктемгі егіс және егін жинау жұмыстарын жүргізуге арналған.
Аталған жаңалықтар 25 шілдеден бастап күшіне енеді.
