Қаңтар айында жергілікті телефония қызметінің жалпы байланыс қызметіндегі үлесі небәрі 4% болды. Бұл туралы Energyprom.kz басылымы хабарлады.
Қаңтар айында жергілікті телефон байланысы қызметінің жалпы құны 3 млрд теңге болды, яғни былтырғыдан 5,5%-ға аз. Оның 861,1 млн теңгесі ауыл аймақтарының үлесіне тиесілі: бұл 2018 жылғы көрсеткіштен 12,5%-ға кем.
Жалпы қызмет көлемінің 21,8%-ы Алматы қаласының үлесіне тиесілі: 655,3 млн теңге. Сектордағы қызмет көрсетудің қысқаруына қарамастан, Алматыда айтарлықтай 11,9%-ға өскен.
Жергілікті телефонияны көбірек қолданатындардың қатарында Қарағанды (10,6%) және Шығыс Қазақстан (7,8%) облыстары бар.
Ескере кететін жайт, үй телефондары секторындағы қызмет көрсету 2014 жылдан бастап құлдырауға ұшырауда.
Телефон үшін абоненттік төлем орташа есеппен алғанда – 1006 теңге. Бұл тариф 2013 жылдың ақпан айынан бері өзгермеген.
Естеріңізге сала кетейік, Қазақстанда біртіндеп 5G мобильді байланысы енгізіліп жатыр. Осы орайда Нұр-Сұлтан, Алматы және Шымкент қалаларында сынақ өткізілген. 2021 жылдың соңына дейін бұл технология Назарбаев Университет және Экспо аймағында, ал 2022 жылы әуежай, теміржол вокзалы мен сауда орталықтарында іске қосылмақ.
