"Автобус жүргізушісінің айтуынша, ол өз бағдары бойынша Алматы-1 вокзалынан Ащыбұлақ ауылына қарай бет алып бара жатқан. Сол кезде жолаушы Аяла Нұрбол өз аялдамасынан өтіп кеткенін айтып, жүргізушіге тоқтауды сұраған. Жүргізуші автобусты жолдың оң жақ шетіне алып, көлік толық тоқтағаннан кейін есікті ашқан. Куәгерлердің айтуынша, автобустан түсерде құлаққаптағы қыз телефон экранынан көзін алмастан қадам басқан. Сол кезде ол жаза басып, жерге құлаған. Оқиға орнына жеткен жол полициясының қызметкерлері салонда отырған барлық жолаушылардан жауап алды. Куәгерлер жүргізушінің кінәсіздігін растаған, содан кейін де автобус өз бағдарымен ары қарай жұмысын жалғастырды", – делінген Алматы қалалық мобильдік басқармасының хабарламасында.
Zakon.kz-тің хабарлауынша, қазір қызметтік тергеу жүргізіліп жатыр, соның қорытындысы бойынша жүргізушіге қатысты шаралар қолданылады.
Айта кетсек, бұл оқиға Алматыда 23 шілдеде сағат 13.30 уақытында орын алған. Оқиға орнына жеткен жедел жәрдем көлігі қызды ауруханаға алып кеткен.
