Әзербайжанда кезектен тыс президент сайлауына байланысты кандидаттардың сайлауалды үгіт-насихат кезеңі басталды. Бұл туралы inbusiness.kz сайты Apa ақпарат агенттігіне сілтеме жасап хабарлайды.
Үгіт-насихат кезеңі 6 ақпан күні сағат 08:00-де аяқталады.
Сондай-ақ, Әзербайжан Республикасында президенттікке үміткерлерді тіркеу процесі 9 қаңтарда аяқталған болатын.
Айта кету керек, кезектен тыс президенттік сайлауда Орталық сайлау комиссиясы 7 кандидатты тіркеді:
1. Биліктегі "Ени Әзербайжан" партиясынан президенттікке кандидат және қазіргі мемлекет басшысы – Ильхам Әлиев;
2.Тәуелсіз кандидат – Захид Орудж;
3."Ұлттық майдан" партиясынан президенттікке кандидат – Рази Нұруллаев;
4."Ұлы жаратылыс" партиясынан президенттікке кандидат – Фазил Мұстафа;
5."Ұлы Әзербайжан" партиясынан президенттікке кандидат – Елшад Мұсаев;
6. "Тұтас Әзербайжан Халықтық майданы" партиясынан президенттікке кандидат Гудрат Гасангулиев;
7. Тәуелсіз кандидат – Фуад Әлиев.
Бұған дейін, Әзербайжанның Орталық сайлау комиссиясы алдағы президенттік сайлауға 17 адамның кандидатурасын мақұлдаса, оның 10-ы тіркеуге қажетті құжаттарды уақытында тапсырмаған.
Еске сала кетейік, осыған дейін Әзербайжанда кезектен тыс президент сайлауы 7 ақпанда өтетінін жазған едік.
