Оның ішінде демалыс және спорттық іс-шаралар саласындағы қызметтер бағасы 16,9%-ға, мәдени іс-шаралар саласында 13,5%-ға артқан, деп жазады inbusiness.kz finprom.kz порталына сілтеме жасап.
Демалыс және спорттық іс-шаралар секторын алып қарасақ, балалар аттракциондарының қызметтері 23%-ға қымбаттаса, мектеп жасындағы балаларға арналған спорт секцияларындағы сабақтар – 15,1%, спорт залдарының қызметтері (абонемент) – 13%, бассейн қызметтері (абонемент) – 16,3%, музыканы оқыту – 8,7%.
Порталдың жазуынша, кинотеатр қызметтері бір жылда 14,1%-ға, театр қызметтері 8,4%-ға, фотограф қызметтері 12 пайызға қымбаттаған.
Республика бойынша секторда бағаның ең жоғары жылдық өсімі Жетісу (+47,7%), Түркістан (+39,7%) және Батыс Қазақстан (+36,9%) облыстарында тіркелді. Бағаның ең төмен жылдық өсімі Астанада (5,6%), Қостанай (5,7%) және Атырау (7,1%-) облыстарында байқалған.
