Экология, геология және табиғи ресурстар министрі Серікқали Брекешев Балқаш көліне құрғау қаупі төніп тұрмағанын мәлімдеді, деп хабарлайды inbusiness.kz тілшісі.
Оның айтуынша, соңғы жылдары көлдегі судың орташа деңгейі – 342,5 метр.
"Біз үшін 341 метр қауіпті көрсеткіш болып саналады. Талқылау нәтижесінде Балқаш көліне құрғау қаупі төніп тұрған жоқ деген қорытынды жасалды. Сондай-ақ Балқаш көлін сақтайтын арнайы іс-шаралар жоспарын әзірледік. Оған су объектілерін тереңдету мен тазарту, каналдарды жөндеу, суды үнемдеу технологиясын енгізу ылғал сүйгіш дақылдарды егіуді қысқартуды сынды жұмыстарды қостық", – деді министр орталық коммуникациялар қызметінде өткен баспасөз мәслихатында.
Айта кетейік, осыған дейін Балқаш көліне құрғау қаупі төніп тұрғаны хабарлаған еді.
Дәурен Ерболат
