Бангладеште халық толқулары кезінде ер адамның өліміне байланысты бұрынғы үкімет басшысы Шейха Хасинаға қатысты тергеу басталды, деп хабарлайды inbusiness.kz сайты.
Тамыздың басында премьер-министр Шейх Хасина елдегі наразылықтардан кейін отставкаға кетті. Ол әскери ұшақпен Үндістанға қашып кетті.
Студенттердің наразылықтары кезінде 400-ден астам адам жарақат алды, қаза тапқандар да бар. Reuters жазуынша, бұрынғы премьер-министр наразылыққа қатысқандарға қатысты "ең қатаң шара" қолдануды бұйырған.
Кәсіпкер Амир Хамза экс-премьер Шейха Хасинаға қарсы арыз берді. Ол бұрынғы үкімет басшысын наразылық акциясы кезінде кездейсоқ оққа ұшқан азық-түлік дүкенінің сатушысын өлтірді деп айыптап отыр.
"Мен Шейха Хасинаның қылмыстарына қарсы осы заңды қадамды жасауға батылдық танытқан алғашқы қарапайым азаматпын. Мен істі соңына дейін апарамын", - деді кәсіпкер.
Тергеуде Хасинадан бөлек бұрынғы үкіметтегі тағы 6 адамның аты аталады.
