Елдегі ахуал тұрақсыз болып тұрғанда жаңа облыстар құру шығын емес пе? Журналистер Ұлттық экономика министрі Әлібек Қуантыровқа осындай сауал қойды.
"Жаңа бастамалар негізінен республикалық бюджеттен қаржыландырылады. Нақты мынанша сома жұмсалады деп айта алмаймыз. Комиссия анықтайды. Қазіргі бюджет шеңберінде қалыптастырылуы да мүмкін. Дегенмен кейінірек бәрібір қосымша шығын шығады. Өйткені қалаларды облыс деңгейін көтеруге қосымша трансферттер керек", – деді Қуантыров.
Қуантыровтың айтуына қарағанда, аудандар қалай бөлінетіні әлі белгісіз. Комиссия жұмысының қорытындысы бойынша анықталады.
"Халықтың тілегі ескеріледі", – дегенді қосты министр.
Тасқын Болатұлы
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
