Қазір Энергетика министрлігі Батыс Қазақстан облысының әкімдігімен бірлесіп өңірді сұйытылған мұнай газымен (СМГ) қамтамасыз ету бойынша жұмыстар жүргізуде.
Атырау мұнай өңдеу зауытында қондырғының тоқтауына байланысты 1 ақпаннан бастап сұйытылған мұнай газының өндірісі тәулігіне 500 тоннадан тәулігіне 190 тоннаға дейін төмендеді, деп жазады inbusiness.kz.
8 ақпаннан бастап АМӨЗ-ден тәулігіне 50 тонна көлемінде СМГ-ны БҚО-ға тиеп-жөнелту басталды.
9 ақпанда БҚО-ға "Gas Processing Company" ЖШС (Ақтөбе облысы) ресурстарынан 200 тонна СМГ жіберу жоспарланып отыр.
Сонымен қатар "Теңізшевройл" ЖШС-мен БҚО атына 1 000 тонна СМГ бөлу туралы келіссөздер жүргізілуде.
Ақпан айындағы қажеттілік 3200 тонна болған кезде бүгінгі күні өңірге 390 тонна СМГ жеткізілді.
Сондай-ақ ақпан айының соңына дейін БҚО-ға СМГ-ның мынадай көлемдері жеткізілетін болады:
- АМӨЗ – 540 тонна;
- Жайықмұнай – 1000 тонна;
- Gas Processing Company – 200 тонна;
- ТШО – 1000 тонна;
- СНПС – 70 тонна.
Айта кетейік, соңғы бірер күннен бері Оралда сұйытылған газ тек талон арқылы сатылып жатқанын жазған болатынбыз.
